دوري يا دنيا بينا

دوري يا دنيا بينا
رسينا على أي مينا
محنا خلاص رحلنا عن أراضينا
يا ترى فين هاتودينا
محنا خلاص ركبنا السفينه
محنا يا ما توهنا من بعضينا


بس المرادي أتغربنا عن أهالينا
ونسينا فين أراضينا
دوري يا دنيا بينا
وعلى أي بر أرمينا
ولا هاتغرقينا ومحديش يدرى بينا

يااااا عليكِ يا سفينه
أحنا تعبنا ياريت ترسينا
مش لاقين متوى لحبنا
ولا مطرح نعيش في بين أهالينا
نشكي نبكي نحكي
هانعمل ايه مهو دا مصيرنا
دموع حزن مكتوب علينا
سواء أبينا ولا رضينا


خلاص تعبنا يادنيا رسينا
قالوا يا ما قالوا علينا
وجابوا الذنب علينا
وفي الآخر طلعوا العيب فينا
أتعلمنا كتير ما أحنا لفينا
وقابلنا حبايبنا وودعونا
وحتى أهالينا بعدوا علينا
يا ترى دا كان عيب فينا
ولا عيب في الي حولينا

سألونا عن سبب حزننا
سكتنا ما رضينا
لكن رديت عيوننا وبكيت علينا
يا ترى يا دنيا كرهتينا
ولا مش راضيه بينا
تكون السعادة حولينا
ويفضل الحب في قلوبنا

ولا أقلك كفاية كلام
هي أيام هاتعدي بينا
وأنتي خليكي زي منتي
قاسية جارحه بايعه فينا
ولا فيكِ مرسى ولا بر ولا مينا
ودوري يا دنيا بينا